Apr 13 2008
假如我不是男人
近期好像回到早年寫BLOG的日子，流行一題接力共寫。源頭好像是……妖，來來去去都係個班喇，你都知寫BLOG既友係幾小圈子。
假如我是女人：
- 會幾悲，因為生得唔高佻又唔靚，而且唔出聲時樣子重好兇。
- 唔靚都算喇，又唔叻，但又唔叻得來又唔夠天真同傻，重好多野諗，即係典型港女。
- 會一樣咁污糟辣蹋，簡單呢講應該係個干物女。
- 會唔化妝，因為覺得化左妝都唔會靚，如果化妝靚左，又會覺得自己好假。
- 個樣應該會比真實年齡後生，但唔等於後生就索。
- 可能會係同性戀，因為覺得男人太唔可愛同太狗，而女人又太可愛。
- 鐘意仔既話會鐘意梁朝偉或梁家輝或小田切讓或永賴正敏或羅拔狄尼路；唔會鐘意哥哥，因為知道哥哥唔會鐘意我。
- 會更有條件發展自己野蠻和頑固的一面。
- 仍然會愛看電影，仍然會一個人看（應該都無仔會陪我喇），仍然會在戲院睡著。
- 會多睇幾本亦舒，甚至會睇埋嚴沁、岑海倫，但應該唔會多睇張小嫻，因為已經睇左亦舒喇。
- 唔會亂講粗口，因為成套廣東粗口詞彙，都係建基於男性攻擊女性或男性攻擊男性，女人用起上來好唔方便係好不利。
- 會是個八婆。
- 會用化名和假相撰寫深情寂寞博客文章挑逗麻甩男博客。（實情依家都得啦。）
- 會試下做記者，但唔會做公關。
- 會肥，因為貪吃和懶
- 會比男人欺騙，亦會女人欺騙，即係會被由男人及女人組成的人類欺騙。
- 會養貓，很可能在無仔溝的情況下以貓作伴終老。
- 會唔明白男人個心諗咩。
- 會開心，會唔開心，會驕傲，會自卑，會鬧情緒，會胡思亂想，會講錯說話，會有恐懼，會有遺憾，因為呢D野，男人女人都有。
2 Trackbacks/Pingbacks
- 如果我是女人 | 公牛擠奶 by 陳奉京
[...] 公園妹：<假如我不是男人> 相關文章:No Related Posts 看此文者也曾看:無 訂閱本文留言 Trackback本文 [...] - 對號入座，如果我是男人101 « Read and Eat in the Big Wide World 無書不歡，無食不樂
[...] 假如我是男人(mad dog) 假如我是女人 (Mugen C) 假如我不是男人(五師兄) 假如我是女人 (大雄) 假如我是女人?( 新鮮人) 假如我是女人 (黄德峻) 假如我是女人(主治楊偉) 假如我不是男人(公園仔) [...]
你做0左女人之後咁似我0既？我真係干物女+典型港女
如果你真係做女人，我地會變好姊妹
粉雷雷，我覺得自己唔差，所以干物女和典型港女其實也很好啊。我做左港女，都唔終日同港男對罵。那些蘋果最興網誌最愛的港男港女互插的言論，令人感到很納悶呢。
我唸如公園仔變左女人, 我地一定要一齊租番家屋, 到時一屋都係干物女…放工後穿運動衫,大刺刺的飲啤酒, 爽呀~~
蓮，都好喎。
你好呀~ 加入了你的文章. =D
我覺得你呢篇有跩港女之嫌。哈哈﹗
哈哈哈这篇好可爱。
我北京朋友说话：喜欢香港女孩子。
我问：为啥？
他答：女孩子说粤语好听。而且香港女孩又能干又顾家。（并作无限向往状。。）
我：香港男孩子也不错呀。（心想：就是不怎么善于表达自己。）
平时作workshop，in general港男港女参与都不怎么积极，咋一看还以为人家不愿意/不屑参加讨论，其实后来发现港男常自称“我们都很懒的”，本质上是因为害羞——因为实际上知道得又多又能干；港女进入陌生环境就寡言，因为还在观察别人。
你要是香港女孩应该很受成熟人士欢迎吧，因为态度达观，和你在一起会比较轻松咯。
肥妹好慘架，香港時裝普遍尺碼偏細，到時你會因買唔到衫著而不快。
做女人真係好難ga, 淨係減肥已經好慘………
手動Trackback：
《假如我是港女》 連結
喜歡你那句“唔靚都算喇，又唔叻，但又唔叻得來又唔夠天真同傻，重好多野諗，即係典型港女。”哈哈。。。我也覺得能夠變得“天真同傻，唔好多野諗”是挺幸福的。當然前提是永遠不要變聰明。不然，到時候可能會為自己天真時做過的事而後悔。（雖然有此地無銀三百的嫌疑，但還是要申明，我只是自己有感而發，不是特指女明星）。
似乎，香港的男生女生在北京都很受歡迎。据我在北京的男女同事說，覺得香港的男生即風趣又有風度, 而女生就很溫柔。難道真的是”隔離飯香D”?
你果然是田中麗奈的死忠fans….
借個機會又貼一張她的相。
Yours is the one of most sophiscated, witty, funny and well-though ones among the different posts of the same title.
For artificial trackback of my much inferior one, see this.
為什麼會做記者,不會做公關?
hahahahahahahaha!!!!!! 做功課做到悶，上來看看。。。
哈哈哈哈哈哈哈哈哈哈哈哈哈哈哈！！！！！這篇entry很有娛樂性！！！
如果是女人的你十足十一個悲劇小人物！
“會唔化妝，因為覺得化左妝都唔會靚，如果化妝靚左，又會覺得自己好假。”
“鐘意仔既話會鐘意… 小田切讓….. ” 小田切讓!!!!
好想看看你寫這個：
“會用化名和假相撰寫深情寂寞博客文章挑逗麻甩男博客。”
一定好好笑！
myblahblahblah，後來才知道源頭是你，失敬失敬，你這個玩意反應很不錯，大家都很投入。
readandeat，可能有吧，其實港男港女都有著同樣特質，只是在不同性別上表現出來，會有些變化吧。
SnowSlide，和我一起其實不一定輕鬆呢，朋友和情侶就有分別，外地人在自己眼中總是好看一點的，那是朦朧美。你說得對，香港男生有些其實不太壞，只是太窩囊。
nikita、claire，減肥的確好苦，所以我早放棄了。不過女生肥的確是大忌，大部分男生都對女生的瘦有過分的期望。
沒有blog的人，吊詭的是，你能明白天真又傻是種福氣，你肯定不算太傻了。我同意人們普遍有隔離飯香的心態，眼前的港男港女，其實不像那些著名作者筆下那麼不濟。
nam，沒錯，給你看穿了。
Kelvin，謝謝你的讚美，不敢當。
ash，因為直覺如果我是女生，我會是個不錯的記者，卻不夠條件當過好公關。畢竟，公關功力和技巧，男與女運用起來頗有差異。
公主殿下，你也喜歡小田切讓嗎？我沒有女性那份感觸，所以扮不了女博客。
其實漏了一項。如果我是女人，我會相信自己的直覺，因為女人的直覺真的很厲害。
yes! i like 小田切讓 ah!
點解我作為一個女仔，中左咁多你講D野既?…………咁我應該變性了，做女仔好危險，做返男仔啦！
柿小妹，女生唔易做呢。